***الفرق بين الفاتحة في العراق والفاتحة في بريطانيا****

هلووووووو حبايب
اليوم جايبتلكم موضوع منقول بس خربت من الضحك من قريته
وكلت اجيبة لحبايبي
يلة اشبعوا ضحك
اليوم نتكلم على الفرق بين الفاتحه بالعراق وفي بريطانيا

ولو العراق يعتبر من اقل البلدان بالعالم من ناحيه الفاتحه لانه الموت قليل جدا بالعراق لاسباب كثيره
بس اكو كم فاتحه اذكرها بالعراق وكذلك شفت فاتحه في بريطانيا لانه في بريطانيا اهووووووو يوميه فاتحه بحيث الجادر مال الفاتحه صار اوتوماتيكي ادوس عليه ينفخ

الفاتحه بالعراق
من يموت ابو البيت زوجته تشك اهدومها من الطول الى الطول مع صوت صياح على مقام النهاوند علما ان شق الهدوم يكولون حرام وميصير نعترض على اراده الله بس ام عباس رجلها مات صدك جذب ابو عباس جان الصدر الحنون جان من تحزن ام عباس يجي بالوصله مال المسح يمسح عيونها وجان يداريها بالقبولات والمقبلات المهم بعدين تجي نسوان المنطقه وخاصه المناطق الشعبيه من يسمعون يبووووووو تجد حوالي خمستالاف امريه من النوع الخشن بالبيت شلون وصلن ماتعرف وبعدين يكومن يلطمن قبل مايعرفون الميت منو وبعدين المرحوم يغسلوه ويخلوه على التاكسي ويزوره
احدى العتبات المقدسه ويدفن بعد ذلك الى رحمه الله اما اهل الميت ينصبون الخيمه اول وثاني يوم الفاتح تجد عشره او اكثر من المعزين بس ثالث يوم تجد عشرين مليون معزي جاين مو العشاء اخر يوم وجيب بطن واضرب ثريد وبعدين وره الاربعين المفروض تنزع ام عباس الاسود بس هي تبقه على الاسود وفاء الى ابو عباس الورده الي مافد يوم نساها بقبله وكل صبح يكللها صباحكي سكر صباحكي سكر

الفاتحه في بريطانيا
من يموت ابو البيت مستر توم تشوف دمعه بعيون زوجته مسس توم فقط ليش شكت زيجها اهدومها ابدا بس او ماي كاد نو نو ودمعه على خدها عبالنه تشك اهدومها ونشوف البياض طحين صفر والله مو مثل ام عباس نخاله المهم يلبسون الميت قاط جديد قاط من هاي الاوكي يمكن اني بعرسي ما البس مثله ويجيبون سياره خاصه مال موتى مو مثلنا يحطوه على التاكسي وبعدين يروحون الى المقبره وشلون مقبره بالضبط مثل الزوراء الى بالعراق وطبعا زوجة الميت لابسه كوستم اسود وشفقه سوده تكول وزيره ورايحه للوزاره وبيدها قطعه من الكلينس تمسح دمعه حزينه على عينها من مات الميت الى يوم الاربعين هي بس على هاي الدمعه الوحده وبعدين تشمر عليه باقه من الزهور وتكله عمت عين التراب الي ياخذ زوجي المهم بعد يومين الزوجه تروح الى البار وهناك تشوفلها رجال اخر قابل تعيش بلا رجال
تحياتي