كناري الحب
عدد الرسائل : 266
تاريخ التسجيل : 04/12/2008
 | موضوع: قصيده بعد شتريد اسويلك  الأحد ديسمبر 07, 2008 12:45 am | |
| بعد شتريد اسويلك
بعد شتريد اسويلك
اصيرن شمعة وضوييلك
بعد شتريد اسويلك
ابوك بشوش* واشويلك
نسيت شجنت اطبخلك وشجنت آنة احشيلك
آنة اللي جنت البخلك ومن كل الالوان اخليلك
وبالصالون اذب آلاف حتى بتسريحة حلوة اجيلك
اثاري الطبخ واللبخ ميفيد شسويلك بعد يمعود دخيلك
ابن الاوادم نسيت شجنت اسويلك
من جنت تعطش وينكطع بوري الماي اكول لعيوني تبجيلك
واشربك من دموع العين ماي عذب يصفيلك
وك نسيت شجنت اسويلك
من جنت تتكلب وماتنام الليل آني اسهر وألوليلك*
والظهرية من تطفي الكهرباء أني اعرك واهفيلك*
واذا بليلة مسج دزيت
ألم فلوس الكارت واعبيلك
ومن جنت تزعل علي جيش مشاية اوديلك
نسيت شجنت اسويلك
من اجيتني بطرك دكان تبيع بي مصاصك ومساقيلك*
كلت رجلي وراعي بيتي
واجب علي لو ينكسر ظهري اشيلك
وحتى افتحلك محل بي خير ابيع بذهبي وابنيلك
وما كفت فلوس الذهب رحت تداينت وما جيت بيوم اشكيلك
وتسالني شجنت اسويلك !!!!!
ومن صارت عندك فليسات
صرت آني وجهالي كلشي مانعنيلك
ومن اطلع اشتري خضورات تغافلني وتروح تلعب بذيلك
رصيدك خلص من المسجات يوم سمسم يوم نمنم تقشمرهن بمراسيلك
وبكل ليلة تجي سكران وريحة نسائية تعط من مناديلك
واليوم....اجيت إلي ندمان تطلب سماحي وتتوسل اجيلك
تقشمرني بكلمة احبج
من حبتك حية بعد ما يعبر علي فيلك*
شحسبالك احنة بالمكسيك؟
لو انتة بمدبلج وتتفنن بتمثيلك
ما ارجع الك لو حتى تبني قصور روح بعيد انتة وكفشتك* وتواسيلك
تكلي بحقج جنت آنه غلطان
من كبر اللي لفك ووجعة التشيلك
وانشالله التاج محل رحلتي تكون
وانتلأبو غريب يصير ترحيلك
وحق ذهباتي البعتهن
مول لفتح يم محلك واشرد كل معاميلك
وحق شيباتي اللي من القهر طلعن
لاصير اصالة بت نصريواغنيلك
اسفة شوفلك غيري تكنسلك وتطبخلك وتكويلك
وتسويلك ولوذرة من الجنت آنة اسويلك | |
|
